بالفيديو شاهد مقطع عن فعل أشد عند الله من هدم الكعبة

مامعني كسر الخاطر ؟

كسر الخاطر هو ان تهين شخص طلب مساعدتك او عند طلب شي والتودد بقول عشان خاطري وبالرغم من ذلك تحرجه وترفض ده كلها امور تعني كسر الخاطر فهل تعرف ان كسر الخاطر ده فعل كبير عند الله هل تدرك لأي درجة

أوضح الداعية عبد المعز رمضان ان كسر خاطر المؤمن أشد عند الله من كسر الكعبة يالله كم انت رحيم يالله

العبادات عامله زي الابواب وكل الابواب دى بتكون مفاتحك للجنه تلاقي باب للصلاة يعني ناس بتحب الصلاة وباب للصوم ناس بتحب تتقرب لربنا بالصوم وباب للصدقات وباب جبر الخواطر يعني ناس بتحب تجبر بخاطر الناس بكلمة بقي بطبطبة بمعاملة حلوة بمساعده ولو بسيطة
خلي باب طاعه مفتوح بينك وبين ربنا متعرفش هتدخل من انهي باب الجنه يمكن يكون باب جبر الخواطر ده مفتاح دخولك للجنه مش تبسمك في وجه اخيك صدقة وانه من فك كربة عن مسلم فرج الله همه يوم القيامه طيب ماهو يمكن تدخل الجنه من الباب ده
علماء المُسلمين بيقولوا " من سار بين الناس جابرا للخواطر أدركه الله فى جوف المخاطر! "يعني ايه الكلام ده يعني زى ماانت بتجبر خاطر الناس ربنا هيجبر خاطرك وهينجيك من كل غم وكرب
قلقان من امتحان من مقابلة عمل من التقدم للزواج من اي شئ ؟ اجبر بخاطر بحد حتي لو امك وابوك واخواتك في البيت يمكن دعوة حلوة منهم تنجحك وتنجيك

نفسك ربنا يحققلك أي شئ انت عاوزه زواج -عمل -اي شي حتي ولو كان في نظرك مستحيل اجبر بخاطر حد وادعي ربنا وقوله يارب انا اجبرت بخاطر فلان عشانك انت فاجبر بخاطري وحققلي رجائي وشوف بعدها كرم ربنا ليك بنا بيستحي من عبده انه يجبر بخاطر عبادة وميجبرش ربنا بخاطره

طب هقدملك أمثلة حقيقية علي جبر الخواطر

• النبي كشر و مشي ومسمعش للأعمي اللي كان جاي للنبي عشان يأسلم ربنا نزل علي سيدنا محمد قرآن بيعاتبه فيه انه كسر بخاطر الاعمي قاله ( عبس وتولى، أن جاءه الأعمى، وما يدريك لعله يزكى، أو يذكر فتنفعه الذكرى )
• النبي جبر بخاطر ست عجوزة كانت عاوزة تصلي وراه ومش عارفة تخرج من بيتها يروح لها النبي الكريم ومعه خادمه وصلي بيها في بيتها شفت جبر خاطر اكبر من كده ليه عمل كده لانه عارف ان جبر الخاطر اجره كبيره اوى عند ربنا
• سيدنا انس بن مالك كان ليه أخ صغير اسمه عمير النبي جابله طير صغير وكل يوم يمر عليه ويسأله  يا عمير ماذا فعل النغير يضحك عمير وفي يوم مر الرسول كعادته وسأله نفس السؤال فبكي الطفل وقاله مات النغير يعني الطير بتاعي مات ماذا فعل رسول الله ليجبر بخاطره شوف وتعلم النبي قعد جنب عمير علي الارض وربع رجليه وفضل يلعب معاه مر عليه الصحابة واستغربوا ماذا تفعل يارسول الله قالهم مات النغير وانا الاعب عمير شفت الرحمه لا ومش كده . ده راح لبيت عمير وجلس معه يداعبه ثم النبي قام صلي ركعتين وهو في بيت عُمير ودعي ربنا انه يصبر قلبه ويهون عليه

طبعا مش هي دي بس الامثله هناك امثلة كتيره جداا في حياة النبي واصحابه وحياة ناس عاديين كمان بتتكلم عن جبر الخواطر وازاي ربنا نجاهم عشان جبروا بخاطر حد خلي جبر الخواطر عبادتك السرية وخليها وسيلة تقرب من رضي ربنا واياك وكسر خاطر اي انسان